Musical “Leauwe, Hoop en Leafde" in Ryptsjerk

Yn de ôfrûne jierren stiene de wurden “Leauwe, Hoop en Leafde” sintraal by de gruthúsbesiken. Yn de petearen kaam nei foaren dat der hiel ferskillend tocht wurde kin.

Elkenien yn ús doarp, tsjerklik meilibjend of net, hat te krijen mei in ferskil yn opfetting en belibjen tusken  âlderen en jongerein. De jeugd hat oare opfettings oer muzyk, maatskiplike problemen en grif ek oer it leauwe.

De tsjerkeried fan de Prot. Gemeente yn Ryptsjerk hat besletten om in musical oer dit ûnderwerp opfiere te litten. Op in positive wize wurdt troch spilers, sjongers en muzikanten dit tema nei foaren brocht. Besocht wurdt sjen te litten dat as men yn Leafde besiket mei inoar om te gean en te praten de ferskillen minder grut binne as tocht wurdt.

Dizze musical wurdt op 31 jannewaris om 20.00 oere opfierd yn “de Einekoer”. Spilers, sjongers en muzikanten binne al moannen drok oan it oefenjen.

Wy hoopje dat as de gerdinen iepengean wy in sealfol minsken sjogge.

De tagong is fergees

By de útgong is in kollekte ta bestriding fan de ûnkosten

Rezjy:

Baukje de Jager-van Hijum

Sjongers en muzyk:

Audrey Stielstra en Atsje Lettinga

Lûd en technyk:

Lubbert Kingsbergen

Harry van der Zee

Rutger van der Hout

© PGT - gepubliceerd: 2014-01-22 00:00:00

Terug naar nieuws

Bijbelleesrooster
Appostel
Kerkomroep

Blog

  • Kerkelijk Trynwâlden

    November 2026 Vrijzinnig Hervormde Vrouwenvereniging Aldtsjerk–Readtsjerk In ons kerkelijk archief was niets te vinden over…

    Lees meer